港女主場擒GA記 PART FOUR

經過前一晚既零距離生擒之後，
第二朝hidekko係笑醒的！哈哈，好變態係咪？
同第二最愛握到手喎，手上面仲要有CHANEL香水味...所以你地由我啦~~~!!(爆)


第二日下午繼續到君悅乾等，都係個句，握唔握到手，簽唔簽到名都唔係重點，我係要你知道HK DEARS絕不是省油的燈！



那個早上，死佬先在酒店開記者會，還是那一句，下次我一定要去訪問佢！(握拳)
我絕對有理由相信之前個晚酒店STAFF同我地講話佢晨早7點有野做，就係加長佢個執毛！
而我既評價係：冇理搵野搞~~妖！膠啊！(速逃)
(ALL PIX CREDITED TO ALL MEDIA~~^^)

 
之後由於有事在身，hidekko要先行撤退，星光大道都冇得睇。>.<
算!!! 但經路邊社消息透露，係個死佬叫現場STAFF比飛DEARS入場！
當日隻死佬行遠星光大道之後，受到一大群DEARS既歡呼!! (GOOD JOBS HK DEARS!!)佢亦好識做同大家揮哂手，笑哂口過左冇耐，就有現場既STAFF黎問佢地係咪「DEARS」，跟手就比左一疊為數不少既飛我地入場參加頒獎禮啦！
拿！照計冇咩人知死佬D FANS叫 「DEARS」 架麻，所以我覺得可信程度好高！
我唔知其他藝人既FANS有冇咁既待遇，但係我唔理，我認定一定係死佬做既好事！

RED CARPET的黑白紅係幾OVER，
不過真係他媽的靚仔！>.<"

 

 

 

所以，我也捨棄了入後台的採訪PASS，表演時選擇了到台前和DEARS們一起分享死佬第一次喺香港演出的喜悅！
現場GHOST啊！發夢都冇諗過可以喺香港得睇到，
去左幾次日本LIVE都冇睇過呀~~~~~~所以真係值回票價!!

 

後台：

 
 CHOK是一定的！有朋友喺後台做完野之後同我講：對佢既唯一印象就係佢行過都焗得死人既香水.......之前個晚一定係發姣用CHANEL浸浴吧！(大大爆)

港女主場擒GA記有了個完滿結局，hidekko沒有去送機，因為最美好的事情已經發生左喺星期日的晚上~~(笑)。一直都我以為，死佬親民極有限！(爆) 畢竟喺日本佢真係巨星(又係我自己咁覺得啦下！)，出野搶我錢亦絕不手軟，又永遠高高在上，囂張既咀臉令我每日都有源源不絕既靈感鬧爆佢！有時我甚至覺得，佢揮幾下手已經好比面你.......奈何我愛，又有什麼辦法!!!哈哈

但係親身同佢接觸過之後，我打從心底去重新評估呢個人。無錯，佢依然五行欠打，形象也不如YOU哥哥一樣平民可人(笑)。但這男人每次都交出最好既表演，我更相信握手瞬間的感覺，適中的力量和親切的笑容令我覺得，佢不單冇HEA我，也是真心在感謝，傳遞出滿滿的愛！能夠成為成為他的DEARS，真是我的驕傲!!! ^3^~~
我也相信，HK DEARS亦成功向佢表達出愛意！因為比佢知道我地一直等佢黎HK，是今次追星的重點！WELL DONE啊！HK DEARS最高！


期望佢下次再黎既時候真係帶埋LIVE同YOU哥哥黎啦!! (YOU哥哥是重點！我見到佢個陣其實最想問YOU哥哥係邊！爆)


P.S；一直以來hidekko很慶幸在不同的地方認識能與我同聲同氣的DEARS！我明白在這裡天天鬧總有人會看得不高興(大概我也知道鴉烏BLOG為什麼比人檢舉了！哈哈)，也許就是現在在看的某些人，或許你會看不過眼我在鬧「你們的偶像」>.<，我想說我才沒有那麼多閒情去鬧一個我不喜歡的人，不就是因為愛瘋了，才會每天花時間在這裡寫下點點滴滴嗎！愛他就不可以鬧他嗎？你有你們愛著他的方式，我也可以用我喜歡的方式愛著他，但請不要高高在上的看不起我們。年資什麼的更不是重點，我又不是打佢工，愛他20年就可以有積分回贈、有長期服務獎牌嗎？愛上他一天的DEARS和愛上他一年的DEARS，我不認為有什麼分別！我不想去量化DEARS間對他的愛，贏了沒獎品的！哈哈！自問hidekko是個很守規矩的追星族(唔該，我見到佢無跑無叫無迫無拎簽名，我直頭恨我自己太~~~~~冷靜呀！)，也覺得今次大家都對他很好很SWEET啊！我想，死佬會很高興吧！(笑)