READY？老娘的REPO來了！哈
我相信你地呢幾日都睇左好多各DEARS同死佬既奇異經歷，要幾精彩有幾精彩，所以老娘先旨聲明，我完全無影相、簽名、追車等等既行徑(你冇睇錯，佢個人硬生生仲明明好得閒咁企喺我面前我都冇同佢拎簽名，我到而家都唔知點解！妖)我同死佬既握手奇遇記，既平凡又深刻，對我來說，已經很足夠！
港女的擒GA系列，次次都要我老遠追到去日本，
我鬧左兩年，呢件死佬竟然在一個星期六既晚上靜悄悄地來了！
當一知道佢黎左香港呢個驚天地泣鬼神既消息之後，
內心就算他媽的滾動都要立即漏夜CALL齊港女擒GA成員出動，
當然，組員不是省油的燈，星期日天王老子都唔得閒理，
而家我地主場呀！
我主場都唔擒你等幾時呀?！
所以商討一輪之後決定：去酒店死守！(是的，FANS最厲害的武器就是這樣焚燒光陰和青春！)
星期日，老娘竟然有工作在身，唔打緊，我講過無人可以阻到我追星！原本計劃是4點完成工作即刻搭的士過酒店(是的，FANS也是喜歡焚燒金錢的動物！)，但2點幾收到N小姐電話，話我知，佢見到個死佬行出酒店等的士，當時完全冇FANS，咁佢緊係老虎蟹都行過去啦！
我朋友問CHOK住喺酒店門外等的士既死佬：
GA SAN DESU KA......??
點知個死佬用一個望平民既眼神同佢講「YA!」(低音)!!
然後我個FRD二話不說同佢握手，跟手佢已經思覺失調到用英文問死佬係咪出去食飯，
死佬又再一次用望平民既俯視角度咁答佢「NO!」
我個FRD呆拿哂，跟手又同佢講我會一路係度等你！
然後佢終於笑了答「OK！」再上了的士絕塵而去！
(唔好以為死佬真係咁COOL，N小姐演繹番比我地睇個陣其實佢既反應係好好笑!!)
話說回來，我在工作會場聽到此消息完全就係晴天PIGPIG，當然所謂的一絲希望就係我要趕在佢番酒店前去到，因為當晚EVENT喺佢入住的酒店內，3點幾出得去亦估佢都唔會再出街！事實上我一完event就跳上的士直奔酒店，司機仲有閒情問我「小姐你想用邊條隧道過海？(SHIT!!!)」咪玩我啦，如果坐火箭可以過海，我即刻call NASA呀！之但係阿波羅72號都趕唔切，我個頭扣好條安全帶，N小姐已經打黎話死佬又番左酒店了！飲恨啊！>.<
(待續)
因為hidekko呢兩晚內心滾動得完全冇覺好訓，第一部分REPO到此先停一停，下篇繼續！然後，送大家一張相，請笑納！(CREDIT TO MY LOVELY DEARS FRDS)
諗起N小姐扮GA嗰D望平民既姿態真係好笑!! 似到爆呀!! 完全想像到嗰時GA係幾高高在上, N小姐係幾平民啦!!
回覆刪除仲有妳漏左佢喺N小姐面前PK呀~ 呢個歷史時刻真係笑死囉!!wakakakaaaa
得！今晚出個篇即刻加番！
刪除佢pk喎！真係大新聞呀！
N小姐能見證個一刻真幸福!!(爆)
等repo等左好耐喇我丌A丌
回覆刪除終於等到part one(淚)
唔緊要架你慢慢寫，有咁詳細得咁詳細，
至鍾意睇你用兇狠既語言表達對佢既愛(心))
ps可唔可以詳述下樓上同學講既pk事件？ =u= +
Kiko
要大家等咁耐真係唔好意思呀 (m.m)
刪除因為追星呢兩日番到屋企都已經凌晨時分，第二日仲要番工，呢兩日我會努力補repo架啦!!(握拳)
得得得！pk事件今晚出個篇即刻講，敬請期待(笑)
多謝HIDEKKO的REOP阿!!!!!!!!!!!!等你第二篇~~~~!!!!!!!!!GACKT真係好好好好好好人阿=////////////////////////////=
回覆刪除經過今次既近距離接觸，我發現佢表面上係一件非常欠打既死佬，實際上係一枚nice到爆既日藉中年男子！(爆)
刪除一枚nice到爆既日藉中年男子！<_<
回覆刪除點解上面留言食鬼左=_="
回覆刪除一枚nice到爆既日藉中年男子！<我喜歡這個形容XD呢個TERM好正~~~希望佢快D尼香港開CON!!!
佢自己話MAYBE THIS YEAR丫麻~~~
刪除聽住先囉，佢跣過我太多獲，信佢一成先啦！哈哈
個2日真係好難忘....到左今日我既心情都仲未平復到...>///<
回覆刪除估唔到同死佬既第一次見面竟然係係HK....成件事都太突然啦!!!*v*
不過個2日同成班DERAS一齊追星~真係好開心~
希望佢會快d再黎HK啦!!!!!!!!!!
其實我到而家都好似發緊夢，未知醒。
刪除到而家我都仲係覺得佢冇可能黎香港，有冇可能可以喺香港見到佢，睇到佢唱GHOST~~~夢一樣！
當然DEARS最高啦！真開心一次過又集齊咁多DEARS，最勁真係星期六晚一個電話，大家星期日都齊人哂係酒店，真心比個LIKE HK DEARS呀！
我好彩趕得切起亞洲電影大獎見佢一面·佢出現時，我好冷靜起心講左句嘩!好型啊!好吸引。跟住返到屋企聽到巡迴香港可能有份，甘就開始失控,興奮到依加!救命啊!我仲要DSE嫁!甘既心情點溫書XD
回覆刪除佢真人型到起渣！(爆)
刪除唔知點解總係覺得同喺日本見到既佢唔一樣，可能真係自己地方，佢都係靚仔D!!!
巡迴嘛，我比佢呃太多次了，哈哈，沒期待反應真的有LIVE時會更驚喜。
唔知講咩，總之好幸福ar...佢走0個日我都要離境，但見唔到佢><嗚嗚
回覆刪除我有朋友係checkin度搵到佢簽名呀，大家都用自己的方式愛著他呢！愛著他真好！跟大家一齊追星很幸福呢，下次一齊吧！（＾∇＾）
刪除