遲了2個月欠打MOON SAGA REPO上集

我絕對是欠打的！我知道！
拖了兩個月的MOON SAGA REPO終於來了......
hidekko謹此致歉！

今次的旅程主要是為了死佬！足足有10個月冇見過佢個衰樣了，很是掛念。老老實實，我本來不太期待MOON SAGA，第一條友仔今年又跣我獲金！6月尾先話我知有YFC解散LIVE，如果唔係我一早訂哂野，我真係放Q左MOON SAGA張飛轉睇YFC(可知YFC有我老公粉墨登場！)；第二因為兩年前「四娘」完全睇唔明既陰影揮之不去，所以我對佢既舞台劇完全冇。好。感，我真係怕我又要插大脾力抗周公子睇劇呀！

鬧還鬧，hidekko還是乖乖上機了!!(咁唔係點！)
到步第一日，落機後仲二話不說，直衝會場SIGHTSEEING！(邊個敢話我唔愛佢！哼~)


追星一日目
今次公演地點係赤坂，係一個近TBS電視台既小區，有劇院同LIVE HOUSE

 

 源義經就高高在上掛係外牆！
(日景夜景各一   ~我真係有做野架！)

POSTER係他媽的美好！見到又真係打冷震！

劇場入口，真有氣勢~~呢個場得呀！

可以買即場飛(即係唔滿座啦..=.=")，總算你有照顧海外DEARS!!

跟住立即去買GOODS既地方，不過因為我並唔係睇當日場，STAFF要等所有人入哂去先比我入場買野，原來仲好，因為得港女一個，我就拎個LIST出黎慢慢揀，4個STAFF一齊SERVE我！(D相係睇舞台劇個日影的，所以人頭湧湧！偷影既野，手震是難免的，見諒！)

GOODS COUNTER

SHOW YOUR HEART COUNTER

就係我掃緊貨之際，我在遠處見到一部電視，睇睇下唔對路，唔係播電視節目，原來係直播緊會場內既舞台(其實當時大堂除左我全部都係STAFF，我好想知佢係直播比邊個睇,-.-")
咁既情況，hidekko立即放低買緊既goods，由個staff自己計數，我就行左去睇電視！真係邊有咁大隻蛤乸隨街跳！

就係咁我偷睇左5分鐘電視，其實因為係現場收音，個鏡頭離舞台又遠，我其實唔知佢做緊乜講緊乜，但係知佢著住紫色衫出場囉！(爆)

話咁快，任務完成！掃了八萬YEN貨，總共4大袋，一路掃全場既STAFF都睥實我，大概是心諗：你個八婆買咁多做乜叉！其實大部分都係幫大家買的~~~~~
個人認為本人天生就是追星的人才！

第一日節目到此為止，準備聽日一年一度既朝聖之旅！


追星二日目 
睇劇當日一早到步，原本係為左影下環境同花籃，
我一心諗住要搵到老公送既花花，同佢黎個隔空合照......
這是從WEIBO偷的，我就是要搵佢！

事實上，當日現場只有4個花籃咁大吧！(火)如下圖示：

說好的花籃呢？已變成了9張A4紙.......他媽的！
(說是因為太多花籃AND D花已謝，所以移走哂......................)

無得影花籃，唯有四圍遊等開席！
大門口落半層先係劇場入口，hidekko到場時已有數百櫻花人在飲飲食食等開場，我亦唔執輸影影影，劇場入口都影到！(右手圖藍色就係舞台布幕啦！)

溫馨提示，不設中場休息，即係叫你班女人好去定廁所唔好中途企起身隔住地球轉囉！

事實上，全場唔止130分鐘，散場時已經係晚上9:20！勁。抵。睇！

入場，搵好自己個位坐低，第六行舞台左邊， 一個字，近！

具體一點展示有幾近吧！ 我手賤偷影了！(僅次一次，請勿篤爆！)

單單係坐係度，望住個藍幕既等開場既半小時，又已經想感動流淚！(直至開場為止一路係播住MOON SAGA既主題音樂，我再解釋得清楚D就係我老公有份做的！你明我點解想喊啦！爆)

事實上藍色布幕上既MOON SAGA LOGO真係好靚，我日鬧夜鬧既MOON SAGA即將開場。

是的，今晚寫到呢度，待續！(逃)
(我應承大家本星期一定嘔埋下集舞台精華REPO！OSH！)