遲了2個月欠打MOON SAGA REPO下集

(續)
「舞台劇講述平安時代後期，擁有特殊能力的主角源義經的苦惱人生，是一部幻想時代劇。」
這是我上網搵到的簡介，事實故事係複雜得多！

又搵到網上簡介如下：
「舞台剧是平安时代后期，与人类无法掌有的异能力的“物ノ怪”相交，继承了其血统及能力的“者ノ不”们统治人类的时期。以GACKT扮演的源义经为中心，描写了作为“者ノ不”出生的人们之间其玄幻深厚的友情的，一部历史般的神话故事。原作是GACKT自己花费约10年时间创作的故事。」(<--是的，佢本人03年拍完moon child已經話要將故事做舞台劇，結果大家一等10年......)

「舞台背景设计是由物ノ怪所生的，拥有着怪力，读心术等特殊能力的【者ノ不】们支配的人类世界。作为【者ノ不】出生的源义経（GACKT），封印自己的能力，与包括木曽义仲（前川泰之）在内的朋友们、总是跟着自己的【物ノ怪】（阴（かげ））（早乙女太一）等过着安稳的生活。但是，以灭掉抱有国家的力量的平家一族为目的的义経的兄长，义経与义仲无可置否的被卷入了巨大的战争的漩涡之中。」

以下又係佢本人對故事既解釋
「视觉系LIVE，是把故事用映像与音乐相融合之后所呈现出来的LIVE。这个故事所书写的是，中世纪的吸血鬼的故事。有的时候想“吸血鬼的源头到底在哪里呢？”若是追寻的话，是在日本。平安后期，史实中“物ノ怪”与人类是共存的。但是，在进入到镰仓期的时候就突然的消失了。这在fantasy中是很有意思的~~」 (<--延續moon child吸血鬼既故事大綱，拔全然係唔一樣既劇情！)

如果仲唔明既，又有個人物關係圖比大家參考(點圖放大)

hidekko既解釋：
物ノ怪(即係吸血鬼)：陰、精靈
擁有強大既能量，支配者ノ不AND人類 


者ノ不：源義經、源義仲AND一眾追隨者
由物ノ怪賦予超能力，統治人類
 
人類：普通人
想反抗者ノ不既統治


事實上我係做哂功課先入場，費時中途周公子約我！好好彩全劇講白話文，我總算聽得明一半。就如佢本人所說，MOON SAGA係VISUALIVE既體現，有睇RRII的，應該知道佢背後個大屏幕係交代故事情鏡既重要道具，今次都係(我個人認為佈景費真係慳唔少！)，好多場面都係同屏幕融為一體，這樣的舞台，很美！

成個舞台設計係好幾級大樓梯，貫穿全場，主角就係上面上上落落，行黎行去。

大家亦一定對源義經天真爛漫既角色設定非常感興趣！事實係，死佬演出絕對無辜負呢個四字成語。

故事一開始，就係一輪文字簡介連主角先登場

場境一轉黎到一個優美既花園，一下水聲之後(應該係講佢跌左落水!!) 佢係樓梯後面行出黎.....感覺已經唔係GACKT，係天真爛漫既義經！

造型AND髮型亂七八糟的義經，靚仔依然，右耳的耳環很是矚目。
(開頭話CLAMP有份寫劇本，但係場刊就話原來佢只係負責戲服設計.....然後加入左好多動漫元素...咁咪錯囉...!!)

故事頭個10分鐘係交代佢同朋友間既細節，亦有好多笑位，例如：
1. 兩手隻卒人地面珠登同人玩.....
2. 遇到唔想聽既事就兩隻手暗住耳仔大叫「LALALA~」 (呢下堅係得意！)

3. 行路，用彈和跳的
4. 全班人去打交，本來唔想去既義經只可以跟大圍，點知佢專登行最後然後鬼鬼鼠鼠想走，比人捉到個個小朋友衰樣真係值回票價！
5. 全體坐係樓梯(設定係好熱既夏天)大叫「暑」(好熱)然後集體彈起摸蘿柚何其壯觀！

上半部分既源義經係大家未見過既GACKT，所以我覺得真係好精彩。「陰」呢個角色亦令人拍爛手掌，扮演既係女形演員早乙女太一，真係唔能夠相信這個白髮魔女係男人，但係劇內舉手投足都陰柔至極。劇本話佢同義經係好朋友，其他者ノ不要月圓先見到佢，但係義經就DAYDAY都見到...開左天眼KWA...(我都唔識解釋究竟點解~~~)

另外有一幕係好多精靈玩吊彩帶，佢地一路表演雜技(由於在我國睇得太多，我本人就覺得碎料~~)，義經AND陰就一路係樓梯傾計，你不能相信，畫面真係好靚！



本身義經其實係平家王朝皇帝細佬，所以有幕講佢入宮搵佢大佬講數，就著成咁，很謙信公。

中段之後，開始有打鬥場面，一直唔願意打仗既義經都被迫參與其中，中間我有D睇唔明，SKIP！(逃)

最精彩既部分，就係義經「被上身」(我到而家都唔知佢比咩上身!!)
之後同佢好兄弟義仲生史對決！
上半場既天真爛漫FADE OUT，呢個先係似番本人！就。是。型。
「被上身」之後，佢發左顛一樣同義仲打，拉哂威也好似好勁，但係落地企唔穩(爆！)，總知互劈左10分鐘之後，義經KO了義仲，咁上佢身個隻野又走左啦！

結局係義經既朋友都戰史了........


戲玉黎啦！當義經醒番知道自己KO左好兄弟，很是傷心，抱住佢喊哂口叫佢「唔好史.....唔好史...」問題就係呢度，死佬認真地喊，你聽到佢索哂鼻水扯哂氣，眼淚大大滴，喊到把聲都吵埋，聽到佢喊真係慘過自己比人打！所以，呢個時候開始佢喊我又喊，佢叫得越慘我喊得越甘.....>.<

落幕.......原本以為舞台劇都呢度完結，因為落幕之後已經有人起身撇，點知布幕再拉起，逐個演員謝幕！
天啊！四娘睇唔到既，MOON SAGA終於睇到，謝幕時大家都係樓梯後行出黎鞠躬，然後屏幕打出名字，最後一個出場的，是義經！
我話你知：襯埋個logo，好狠型！(又如下圖示)

接受左大家5分鐘既掌聲，
眼睛確實無法離開該名紫色衫既日籍男子...
呢次佢謝幕時順便比左d紀念品我地.......又係花.......一次公演只有一個幸運兒... 好明顯就係要坐第一行正中啦！

又再一次落幕，又再一次想執野走時，原來仲未完...!!!
場境又去番第一幕，全部人翻生(!!)出現在個個優美，有山有水既花園，談笑風生，飲酒作樂。呢個時候女主角拉埋其他人唱左首歌，跟住講左句 「不願同年同月同日生，但願同年同月同日史」(原來不單止日文有呢句，我仲要聽得明！)跟手大家乾杯兼攬埋一舊，背後既屏幕忽然間出現櫻花樹，變左好靚既粉紅色，
跟住.......「雪。月。花」響起
然後......好多好多既粉紅色花瓣從天而降，係真係喺劇場前幾排飄落，然後再謝幕，我敢說只睇呢個場面都值哂！

真係落幕了，我記得之後掌聲持續了5分鐘，我就喊足咁耐！
好唯美的舞台劇！
如死佬所說，呢個係突破以往一切既舞台，佢將所有新奇有趣好玩既元素都加入舞台，除了佢個頭太多一秋二拎之後，由舞台到音樂，演員到背景，沒什麼可以挑剔(拍爛手掌)，最緊要還是我睇得明！(明明就係唔比心機學日文！) 講到尾，佢就係要宣揚和平！咁簡單既道理，我明的！(爆)


完場後hidekko諗住打道回家，但係個腦諗番去，隻腳就跟人行去後台出口等運到，然後見到人不多，心想發達了，原來係發夢無咁旱！
終於，我有無雨等到有雨，有雨等到大雨，大雨等到微雨，微雨再等到無雨可以收遮，個全家富貴先肯出黎，仲無打招呼直接上車，我離開50米見到鼻以上2秒咁大把！

東京主場果然沒有bonus，我見人家女主角出黎同fans握哂手傾哂計，這些機會都不是我的。好!!!! 又見唔到老公，那刻人生沒意義了，在轉身要走之際，見到TAYA!! (不知佢是誰請自行查閱.....)

TAYA人超~~~~~~~~~~~~~~~~~~~~~好，咩個背囊戴住CAP帽就似鄰家哥哥(實際佢細過我！)企係度陪我地幾個DEARS傾計，問問呢樣問問個樣，又問我地聽日會唔會都黎等.......講埋聽日見個下窩心呀麻！

到港女粉墨登場時間，就係話佢知我係港女！
仲要比佢知道我係專登去日本睇舞台劇的！成功嚇窒佢之後，佢連SAY多謝，然後唔知邊個咁醒人拎場刊比佢簽名，但hidekko沒有場刊，手上只有一張飛........(花了我知道，落雨麻！)

簽完個名大家都無野講，又係發揮港女精神既時候，我又要佢同我握手啦！(爆) TAYA非常NICE，逐個同我地握手，雙手握的，仲叫我回家的路要小心！嘩.....點解你唔係YOU哥哥？(<--得一想二的女人！)


舞台劇真是他媽的好看，感動位比四娘多很多，如果你頂得住四娘的話，我保證MOON SAGA無論故事、造型、角色、舞台都令你拍爛兩隻手......我實在很佩服小賤人能將VISUALIVE概念放到舞台劇，然後給我們一個全新意想不到的舞台，那種唯美感是他的作品獨有的，也傳遞著深深的感動，真的不枉我愛你！


(相片有d從會報轉載的，請勿轉出~!)