港女主場擒GA記 PART THREE

又要跟大家說對不起，因為昨晚hidekko要趕稿，所以未有update！
現在立即補上我和死佬的零距離接觸奇遇記。

上回講到去完食晚飯之後，大伙兒決定番酒店繼續乾等！=.="
照一個正常人來說：當晚event在酒店內，死佬就住樓上，照理event完了之後，正常人是上房休息不會再出來的！

但係唔知點解，大伙兒仍然覺得呢件死佬一定會再出黎！佢人生都未正常過！
為左幫我地簽名又好(<---我果然是想太多！)
為左去蒲又好(<---其實大家係睇死佢一定會夜蒲溝女！)

由八點開始，同DEARS說說笑笑，時間又不難過，我地仲接龍咁輪流tweet佢，誓要佢知道樓下有一秋人等緊佢！

間唔中仲有在EVENT會場出黎既GUEST，問我地等緊邊個，(有不少西人以為我地等奇洛李維斯.....=.=")仲幫我地打探會場內既情況！

到十點幾，連酒店既STAFF都睇唔過眼，幫我地八到條死佬一早番左上房，之後又追加消息話死佬聽日早上7點有野做，今晚應該唔會出去咁話！
(言談間佢有流露佩服的眼神...我覺得啦下！)

STAFF太唔了解死佬啦，
就算千軍萬馬都冇野可以阻到佢攬女，
情況同冇野阻到我追星一樣！(爆)


睇到呢到，大家都覺得死佬出唔出黎都係55波，係咪？
冇錯，我地當晚一直都係等運到，一個唔該佢去訓覺，就真係DELAY NO MORE！所以我地TEAM A都一早約定，等到半夜12點，唔出黎，就算X數！而我地既推算係：佢番上房，沖涼晾乾自己，再set個頭先出去蒲，需時2粒鐘！

11:45pm：大伙兒決定先行撤退。但係有5條港女包括本小姐，決定一定要等到12點！(握拳)原因係：之前都追到去日本啦，點解唔有始有終等多15分鐘！
然後，奇跡果然發生了！

臨近12點，5名港女開始語無倫次，甚至爆出：「你天不怕地不怕，唔係驚5件港女所以唔出黎下話！」之類既怨言.....
都仲未鬧完，我地竟然見到....DANCERS!!!
(有一人的金髮實在太矚目，你知道我說誰的！哈)

係丫，陪佢跳GHOST個幾個DANCERS呀，企在喺酒店門口等「人」~~~
嘩哈哈，咁好明顯啦，唔係等佢唔通等我呀！由個一刻我地深信，死佬一定會出黎，我地之前既推測完全無錯：無野阻到佢夜蒲攬女！


我地行過去同DANCERS打左招呼，深感抱歉既係：我地一個人名都叫唔出！SORRY囉，我都好想同佢地合照握手架！

DANCERS一路都有啤實港女們的一舉一動，其中一個人仲係度扮CUTE側哂頭望，OK，你喜歡玩，港女，即係我當然奉陪啦！

隔左一陣佢地打左個電話就行左入酒店大堂坐住等，個時我地諗：如果佢地行秘道就PK啦！


當然，我既死佬係唔會咁對我既，又唔知過左幾耐(由知道佢會出黎到真係等到佢出黎，真係好似一年咁長~~!!)，先見DANCERS動身，OH!!怎麼不見死佬，再睇真D，哈哈哈，有一件謝賢咁款、凌晨時分仲要戴超既日藉男子出現了!!(我真係老遠見到幅眼鏡就知一定係佢...=.=")

港女們！去吧！

即刻「行」上前，係「行」，衝我驚嚇親佢！企定定喺的士站恭迎佢大駕！(有人追星追得咁冷靜嗎？所以基本上酒店保安完全冇阻我地！) 

死佬大搖大擺由酒店門口行出黎，4個DANCERS連一個翻譯就好似左右護法!!死佬穿上紫色緊身上衣、皮褸、牛仔褲、啡色尖頭鱷魚皮MK鞋、藍色烏蠅黑超一身界女裝束。一出門見到我地，應該無好訝異仲有港女等緊佢...所以...好冷靜咁同我地一路微笑揮手.....其中一個港女代表用日文同佢打左招呼，笑容再加倍燦爛了！就係由呢個笑容開始，完全打爛哂我全部計劃，因為基本上我已經啞左！


哈哈，越來越近見越來越近！到啦，終於一眾人口行到我地身邊，終於聞到CHANEL了~~哈哈，名不虛傅啊！

你知道近距離的死佬有多好看嗎？
真的好狠好狠好狠好狠好狠好狠靚仔！(<---記者對住佢都詞窮!)
我日鬧夜鬧的人竟然企喺我面前，對住我地笑......
淨係3D欣賞佢玲瓏浮凸既波DEE同個個溫柔到好似望緊個女(唔係條女，注意！)既笑容，我都覺得等8粒鐘抵哂!!


佢真係行得好慢，但係經過我地完全冇停落黎既意思！佢想直上的士！

個一刻，知醒既我心裡真係暗罵左句：
頂你！唔係唔停低呀?!



一定要做D事令佢停低，作為記者既本能反應，我當左佢係我D受訪者，所以我先伸直我既右手(重點係要比佢睇到我串數珠！爆！)然後大叫左句：
「握手してください!」

YEAH！其實冇禮貌到終極！因為我連GACKT SAN都冇叫到佢！我知個樣亦非常衰，因為我前一秒都暗罵緊佢唔停低，所以講呢句野個時係冇尾音，譯番做廣東話既語氣，大概係：「唔該你握手呀！」

情況危急嘛！~~~哈哈哈

好彩！佢聽到之後呆左一秒，然後笑哂口咁退後兩步謝賢咁款行到我地面前，好近，超近，然後.....握手！

！OH MY GA！
佢隻手沒有我想像中既大...但係真係好厚肉好溫暖！>.< 仲有D鞋！(爆)
握手既一刻可以FEEL到佢手上既戒指，
亦FEEL到佢有用力握實~~(佢試下HEA我真係殺左佢！哈)

呢個時候hidekko做左件好賤既事：為左我同佢可以握多2秒，喺佢未放手之前我用左手立即握埋過去(即係我兩隻手握佢一隻手，表面上係為左表達我既誠意！哈)，再外加一個90度鞠躬，哈哈，長握成功！

之前佢就同其他港女代表握手，我就靜靜地企喺度望佢。由於佢要同我後面既人握手，所以佢一定要係攔喺我面前，哈哈，好近啊！

你問我佢成個樣係點，我唔係好記得！
咁近望佢，我只係記得局部輪廓：
厚粉是一定的！(大爆)
毛孔，很粗！
鼻，好直好高！
牙，很白，白得很假！(再爆)還是靚仔的！
笑容，最高，無價！


已經暈得一陣陣既 hidekko ，眼見佢握哂所有人既手，但係我地全體就好似點左穴咁，冇人再有進一步要求!!!
哈哈，大概係太震撼.....什麼簽名、影相等要求都說不出來!!(我後來發現反正人少少係應該要求抱抱的！SHIT！)

個一刻，我只係覺得阻住佢去溝女好大罪，所以就目送佢上的士了！


喜歡一個人的話，你覺得佢上的士都係型的！
死佬最YASASI既係，上到的士，佢冇用背脊"DUCK"住我地(我地企喺的士斜後方)反而側身咁坐，坐到一個望到我地既位置!(又可能佢係想睇下呢班港女係咪咁冇人性握完手就即撇!!) 由於安排的士座位擾攘左少少時間，我FEEL到佢全程側身坐用眼尾啤實我地。

跟住，死佬特別將手放到椅背後，輕輕同我地揮手，外加微笑一個！(諗起都想喊~~)

我地5個呢，好似迎賓咁企喺的士後面唔知做乜~~(呢個時候仲未發現自己未搵佢簽名！)

安頓好後，的士開車前，死佬再拎轉頭同我地5名迎賓少女揮多次手，真係真係好YASASI啊！


車開走了，夢醒了，我知佢要去攬女了！
(大大爆)


可是，到而家想起當晚的情景還是會笑的！雖然食了一日風，第二日也頭痛得想打爆死佬個頭，可是這次的相遇一世也忘不了！

最好笑係，佢走左之後酒店保安比我地更咬牙切齒問：你地做咩唔影相呀？佢已經放慢哂腳步架啦！駛乜怕唔影得，你地咁乖又冇衝又冇撞，有咩理由唔比你地影？正一傻豬黎架！(滴汗)
大概連佢都覺得，你地等左8個鐘，就係為左握一次手？

大家睇到呢到亦可能會話： hidekko 蝕桌呀！企喺面前，又冇人阻，又少人，應該為所欲為啦！

哈哈，這些我都明白，我也反覆思考過無數次。
事實係，呢個人既氣場，非同小可！
個下真係一片空白，原本諗好既台詞，要做既事，都冇講冇做！
我甚至覺得可以出到聲同佢講句：「握手してください!」 已經好叻...
亦可以解釋點解我連GACKT SAN都叫唔出！

再來一次，我諗我都係會啞左。(笑)
你問我好恨要簽名嗎？又唔係...(咁有緊係好啦！)
本來佢黎香港就係BONUS，喺自己主場見到佢已經夠不可思議，
而家佢聽到你講野，握埋手，仲想點？(喺日本真係諗都唔好諗！)
要感恩他來了，和第二最愛的人握到手了，所以我不後悔啦！
謝謝我們的DAERS TEAM，因為你地先等到佢出黎，
沒有你們，追星也少了一份樂趣呢~~

恭喜其他握到手拎到簽名的DEARS，也希望BLOG友也分享到那份喜悅吧！

(待續：頒獎禮直擊！)