港女主場擒GA記 PART TWO

hidekko不敢偷懶啦！擒GA的PART TWO來了!!

上回補充：
大家對於死佬PK呢單野似乎有好大興趣!! XD
只是目擊者不是老娘，而是N小姐~(能見證這一幕，我說你真的無憾了！XDDD)

話說在N小姐見到死佬行出酒店搭的士之前，她已坐在酒店一樓乾等，當第一次死佬行過佢面前之時，N小姐仍未好肯定這枚日本藉男子就係個衰公，跟手死佬入左廁所再行出黎經過佢前面，N小姐二話不說彈起死跟。

此時死佬沿酒店大堂之樓梯落樓，仲差幾級落到地下時，歷史性的一刻來了：

佢。跣。腳。(唐唐TONE!!XD)

個情況係你見到一件EVEN屙屎都要CHOK住既大明星跣腳差D PK，真係幾好笑，好彩既係佢冇真係跣低，拗一拗腳即係企番直扮無事!!繼續CHOK!!

我諗佢唔知有DEARS見到佢跣腳呢一幕，否則我相信佢會想搵人殺左N小姐以保持佢CHOK王既美譽。(大爆)

(續上篇)
上回講到hidekko趕不及喺死佬番酒店之前去到門口等佢，到達酒店時又餓又攰，同時相信5:45有event既死佬唔會再出黎，跟朋友商量之後決定還是混入酒店見到佢機會較高。

所以我地分別係地下&一樓目及實，我地條team二話又不說就殺入coffee shop先high個tea(是什麼人種還有閒情去喝下午茶！)但係，我發現同個死佬八字真係唔夾，我只係放低個袋都未叫野食，佢他媽的又出現在門口了，今次仲停低同dears握手簽名，頂佢個肺!!!可憐我喺coffee shop裡面走又唔係唔走又唔係，終於叫左野飲之後就衡出coffee shop，我連車尾都見唔到呀!!小喇叭!!


當時真係極度沮喪同失望，我地team A(係，個名我自己作既~)就好似幾個怨婦咁番左入COFFEE SHOP嘆下午茶，仲要比侍應白眼(即係全個餐廳D人都見我地3個人衝出去追星囉~~)或者係我日日鬧個死佬比佢知道，報應呀！>.<!!!!!!!!!

more pix and credit to my lovely dears fans

 

講真句，真係無人敢埋佢身架！氣場有沒有！

只但係，近睇呢條友，頸紋多，皮膚差(大爆)

但沒有想像中的膠，仍然十分靚仔!!

大獲了!! 這樣說又會有報應嗎？(望天)

TEA食完啦，死死地氣番去繼續等，終於等到佢番黎啦！
而家先係佢黎香港之後我同佢第一次見面！
佢一落車，聞唔到傳說中既CHANEL香味，反而係超級強大氣場，唔駛實蕉擋路，根本都唔敢行埋去。(爆)佢見到咁多女等佢，超有飛士啦，難掩佢囂張既心情，(以上全為本人猜測而已...XDD) 當然亦有向我地微笑啦~~我地只係乖乖地講句「お帰り」，呢個時候，我見到個白痴偷笑啦!XDD
拿！HK DEARS無丟你架啦！你勁有飛士呀！識做啦!!


終於佢無停低，只係輕輕CHOK住咁揮手，直入酒店，後面既工作人員就幫佢拎住一袋二袋同禮服(即係第一晚娘到我以為佢要影PRE-WEDDING個套！)，好明顯係去SHOPPING AND拎衫啦！

 

STAFF拎入去時我只係見到件白色恤衫AND銀灰馬甲，我冇諗過真身咁OVER！

眼到突呀！娘屎到我以為佢去左蒙X麗莎借件衫影PRE-WEDDING呀！ =.="

個時差唔多6點啦，今次再入番去就真係準備EVENT，冇番3、5、7個鐘都唔會出黎，所以大家就決定食飯去了！(再瘋狂的FANS都要食飯，這方面我們是很理性的！XD)

對不起，hidekko明天有訪問，現在又很眼訓了，可以之後繼續嗎？下一篇就是戲玉了!!! (笑)

~待續~